Moien, ech sin d'Caroline
Ech sinn d'Caroline, Mamm vun dräi grousse Kanner, an d’Gesiicht hannert menger Kamera.
Meng Passioun fir d’Fotografie hunn ech am Lycée Technique des Arts et Métiers op der Konschtsektioun entdeckt an zanterhier stänneg weider entwéckelt.
2011 hunn ech mäin eegene Fotostudio doheem ageriicht. Säit deem fotograféieren ech mat vill Freed Kanner, Bébéen, Familljen a Schwangerschaften – am Studio oder och gär dobaussen an der Natur.
Ech wunnen am wëlle Westen, am Kanton Réiden, ganz no beim Stauséi – eng wonnerbar Geigend, déi och perfekt ass fir natierlech Outdoor-Shootings.
Mat vill Gefill, enger entspaanter Ambiance an engem Bléck fir déi richteg Momenter entstinn authentesch a stëmmungsvoll Biller, déi laang Freed maachen. 😊
... because every picture
tells a story ...
Caroline
ONGEZWONGEN KANNERFOTOEN, ENTSPAANTE SCHWANGERSCHAFTSFOTOEN, LËSCHTEG FAMILJEFOTOEN A ROUEG BABYFOTOEN
PORTFOLIO & PRÄISSER
Entdeckt authentesch Momenter an natierlech Biller aus menge Foto-Séancen – ganz egal ob am Studio oder dobaussen an der Natur.
PORTFOLIO
Kaddosbong
Give a gift of memories!
Déi schéinste Saachen, déi een verschenke kann, sinn Zäit – an natierlech Erënnerungen.
Am éischte Moment, nodeems d’Fotoe gemaach sinn, kuckt een se an et freet ee sech, ob se engem gefalen. Am beschte Fall natierlech jo...
Mee richteg wäertvoll ginn dës Biller eréischt mat der Zäit.
No 10, 20 oder 30 Joer kuckt een se nach eng Kéier – an et gëtt ee nostalgësch. Et gesäit een, wéi d’Kanner deemools kleng waren, wéi d’Urbomi nach mat op der Foto war, mat hirem Urenkel um Schouss, deen haut schonn grouss ass. Et gesäit een och, datt een deemools nach e bëssen méi Hoer um Kapp hat 😉 an dass dat klengt Ketty e bëssen motzeg op der Foto kuckt.
1000 kleng Erënnerungen, déi engem e Schmunzelen an d’Gesiicht zauberen – an déi weisen, wéi wäertvoll et war, dës Momenter festzehalen.
Also zéckt net a schenkt Iech selwer oder engem aneren e Stéck Erënnerung. Dir wäert et net bereien 🤍
Dir kënnt e Kaddosbong am Wäert vun engem komplette Shooting huelen – dat ass natierlech déi einfachst Variant.
Falls dat Iech awer ze vill oder net genuch ass, kënnt Dir och gären e fräie Montant wielen. Wann d’Persounen hire Rendez-vous maachen, kënne si de Rescht dann einfach dobäi bezuelen.
Alternativ kann ech och e méi klenge Shooting ubidden – dat ass natierlech och méiglech.
ERËNNERUNGEN VEREIWEGEN
PRODUCTS
Bicher
Wandbiller
Remerciement'en
Wann Dir e Buch, e Wandbild oder e Remerciement bestelle wëllt, frot Iech gären d’Informatiounen bei mir. Ech weisen Iech, wat ech alles am Angebot hunn, a kann Iech och d’Präisser matdeelen. Dës variéieren jee no Gréisst, Quantitéit an Ausféierung.
Mellt Iech einfach bei mir, an ech ginn Iech all néideg Informatiounen.